尋晚歐洲足協就為歐聯八強抽籤，曼城抽中咗利物浦，爆發英超內戰。雖然今季英超曾經以3:4輸過畀利物浦，不過家下拉大隊喺阿布扎比集訓緊嘅曼城就未驚過，其中翼鋒利萊辛尼仲信心十足，話球隊今年大有機會一嚐捧起大耳盃嘅滋味。

呢位今季已經為曼城貢獻12個入球，15次助攻嘅德國小將就話，今個球季曼城真係好強，絕對有機會創造歷史，「雖然要喺淘汰賽脫穎而出唔係易事，但我哋有個大好嘅機會可以闖入決賽，甚至挑戰冠軍。」睇嚟辛尼已經當過咗紅軍呢一關，到時又睇下係咪佢講得咁易。

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1