蔚雨芯（Rainky）經常喺網上晒比堅尼相，成功吸睛，今日佢喺商台現身，講起早前到非洲拍旅遊特輯，影咗唔少充滿時尚動感嘅泳衣照，仲預告之後會放上網開心share：「喺非洲最後一日去餵海龜時突然暈低，原因係食得太多奇異果，太寒涼，遇上我又到月事，暈咗半個鐘，要搵個男仔孭我落車。」

另外，Rainky下月將推出新EP，只限量印製500張紀念版，同時會推出帽和鞋，附隨掃描QRCode可以download到手機聽歌，被問到怕唔怕唱歌會變成副產品？Rainky表示：「要接受現實，0依家買碟嘅人唔多，但唔想俾韓國人搶走市場，希望將廣東歌發揚光大。」