韓劇《繼承者們》28歲男星金宇彬今年5月時公開患鼻咽癌嘅消息，現時正悉心休養及接受治療，雖然暴瘦咗22磅，但佢情況已好轉咗不少。

而喺日前播出嘅綜藝節目《演藝家中介》上，主持人申鉉濬喺現場就透露咗好友金宇彬嘅近況，申鉉濬話平日錄影節目時佢唔會談及朋友嘅事，不過因為近日收到金宇彬嘅近況消息，所以就想同大家分享。

申鉉濬喺節目上話自己本身即使同邊個圈中人再熟，都唔會喺節目上分享對方嘅事情，但係佢話自己日前到教會進行禱告儀式時，當時就祈禱希望金宇彬能夠早日康復，點知咁啱就喺當晚申鉉濬就收到金宇彬嘅短訊，留言：「哥，我已經好好多了」，似乎金宇彬同申鉉濬有心靈感應。

申鉉濬話知道金宇彬接受治療相當順利，令申鉉濬十分欣慰，亦祝福金宇彬早日康復。

更多韓流，喺晒《娛果》
http://fb.com/appledailyent