由韓國女神全智賢同「長腿Oppa」李敏鎬主演嘅SBS劇集《藍海傳說》今晚播出第20集大結局，承接上周一集講到李敏鎬得知全智賢身體狀況越來越差，決定放心讓全智賢返回大海，更讓全智賢決定刪唔刪除自己嘅記憶，兩人就熱吻起來，之後全智賢就離開李敏鎬嘅屋企。

原來全智賢逐一刪除認識佢嘅人嘅記憶，同佢哋逐一握手，當同得知佢心意嘅小妹妹握手時，小妹妹話畀全智賢知自己都係人魚，喺夢中小妹妹媽媽係人魚，所以小妹妹能夠得知全智賢嘅心聲。

時間過咗三年，騙子三人組仍然喺李敏鎬屋企住，連李敏鎬媽媽羅映姬都住喺兒子屋企，李熙俊好奇為何食飯時，仲係留一個空位，唔知畀邊個坐一樣。

李敏鎬變成檢察官，但佢都唔記得點解自己想成為檢察官，似乎李敏鎬被全智賢刪除晒所有記憶。李敏鎬同李熙俊等人飲酒，飲完酒後，李敏鎬就猛講：「好掛住你。」但佢哋都唔知佢掛住邊個，而李熙俊就奇怪李敏鎬成日都去海邊，唔知點解佢要去。

鏡頭一轉，全智賢返回陸地去首爾，佢仲醒目地叫地快遞等佢可以換衣服，仲撞到另一條人魚。全智賢去到李敏鎬屋企找佢，見到李熙俊同李敏鎬媽咪，但二人都唔認得全智賢，全智賢入到屋內即忍唔住想喊，但為怕流出珍珠眼淚，所以即時去洗手間，李熙俊好奇全智賢竟然對屋企嘅位置十分認識，仲打畀李敏鎬打小報告。

李敏鎬返回屋企見到全智賢，但李敏鎬完全記唔起全智賢，全智賢喺心中不停講話，但李敏鎬就完全聽唔到佢嘅心聲，仲問全智賢係邊個，全智賢喺心中講「我愛你」，但口裡卻說沒有。

全智賢走咗出去，自己心裡苦惱到底應唔應該再返來，此時下起雪來，李敏鎬出來搵佢，並說：「你又打算回去嗎？」原來李敏鎬沒有忘記全智賢，仲話無論全智賢刪除咗佢100次記憶，佢都唔會忘記全智賢，而李敏鎬原來為免忘記全智賢，從好早開始已一直寫日記紀錄住全智賢嘅一切，為怕自己唔記得，仲日日睇住日記。

李敏鎬同全智賢結咗婚，佢仲為咗全智賢搬去海邊生活，喺個邊做檢察官，兩人過住幸福生活，全智賢仲懷孕，兩人望住大海，平凡過住每一天，大團圓結局。