阿根廷周二喺俄羅斯舉行嘅國際友賽同尼日利亞對壘，喺領先兩球下俾「超霸鷹」後來居上反勝4:2，上半場入波嘅阿根廷前鋒阿古路，半場時候喺更衣室暈低後送院檢查。之後阿根廷足總喺官方Twitter證實，阿古路已經返去咗酒店同隊友一齊；仲話阿古路只係暫時性暈厥。曼城官方亦發聲明，阿古路被送去醫院做預防性醫療檢查，會喺本周作客李斯特城嘅英超賽事前再作評估。