韓國神劇《太陽的後裔》女星宋慧喬今年10月31日與同劇拍檔宋仲基舉行世紀婚禮，雙宋結束西班牙蜜月之旅後，日前喺首爾結伴欣賞「國民妹妹」IU嘅演唱會，而噚日喬妹仲撇甩老公，單拖飛北京，此行喬妹先出席今早喺北京國家會議中心舉行嘅中韓經貿合作交流會，晚上就到人民大會堂出席國賓晚宴，與國家主席習近平見面。

而喬妹今早現身活動時就以粉色上衣襯米白色短裙，到晚上網上就流傳一張佢換上Dior黑白色千鳥格斗篷赴國賓晚宴嘅新相，喬妹打扮簡單得來又相當高貴又端莊，粉絲都大讚佢好靚女。

另外，同樣有飛抵北京出席中韓經貿合作交流會嘅EXO小分隊EXO-CBX，佢哋原來趁此行有探望中國成員Lay，Lay仲將四人合照放上網，由於之前Lay成日傳出會退團，今次晒相力證同隊友感情好好，打破退團之說。

更多韓流，喺晒《娛果》
http://fb.com/appledailyent