2016年港姐亞軍劉穎鏇(Tiffany)今晚亦有出席港姐活動，負責頒后冠。問到有冇俾啲貼士今年啲師妹？佢話：「噚晚綵排有機會見到佢哋，分享咗少少心得，希望佢哋努力，對自己要自信心高啲，呢樣係最重要，記得我上年咁多人望有啲驚，上到台冇時間緊張，做好自己嗰part，記得啲企位已經好好。」

唔知Tiffany又睇好邊個呢？佢話：「我好最鍾意4號Emily(黃瑋琪)，唔係因為佢喺美國返嚟，我接觸過佢之後，覺得佢係一個好活潑，好好笑容嘅女仔，人品好好！」

講到佢同有42吋胸肌、香港泳隊前成員余德丞傳緋聞(新聞連結： http://bit.ly/2wuUXiB )，佢話：「好突然，我唔知點解會寫，可能去台灣拍嘢一齊開過live！」至於有冇機會發展？佢就話：「我冇諗呢啲，專心工作。」