JW遭菊梓喬歌迷鬧爆有公主病唔捱得 懶理負評：可能特登寫啲嘢激嬲我
蘋果日報 2020/12/31 21:14
王灝兒菊梓喬星夢一姐
王灝兒（JW）入行十年，今年剛剛「轉字頭」30歲的她，今年8月宣佈加盟星夢成為旗下歌手，已經被指與菊梓喬（Hana）爭做星夢一姐，她在短短時間參與拍劇兼唱主題曲，更觸動到Hana fans的神經將槍頭瞄準她，最近竟然去到和JW合作拍劇的林德信IG「踩場」，留言批評JW有公主病。
事緣，林德信和JW日前分別在IG上載了一張拍劇時的相片，兩人亦有留言互動，未料忽然有Hana的fans亂入，不但把JW中文名「王灝兒」錯寫成「王浩兒」，更留言批評JW怕辛苦便不應拍劇，還故意把留言hashtag埋JW，「擔心」她看不到，又叫JW要學習菊菊（菊梓喬Hana），讚Hana之前拍劇都沒有說辛苦，酸味極濃！
JW近日的確經常在IG分享開工拍劇的相片，日期她在IG STORY上傳了一張咪晒眼的相，然後留言呻12月還是這麼熱，亦因為這張相令Hana的fans認為她「唔捱得」兼有「公主病」。不過，JW其實又曾以「大便論」形容拍劇的心情，留言說：「可以完全投入一個角色，不顧形象地釋放演出嚟，係好似忍咗好耐跟住終於可以去廁所大便嘅感覺，好舒服！！好暢順！！」相當享受當演員。
JW今日接受傳媒訪問，被問到一向人緣極佳的她，是否第一次被直接批評和攻擊？她笑言：「又係喎！真係第一次呀！不過我唔會唔開心或者嬲，都知佢可能特登寫啲嘢激嬲我，所以我唔會理，拍劇真係好開心，真係好鍾意拍嘢！同埋我自己知道同Hana無嘢就得嘞！」
JW以暢順大便來形容喜歡拍劇的心情。
菊梓喬fans疑擔心偶像「星夢一姐」地位不保，留言攻擊JW。
JW今日亦有更新IG，未有因為被鬧而不開心。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！