【身材媲美上戶彩】松岡茉優性感演《小偷家族》 封新一代隱乳代表
上戶彩松岡茉優是枝裕和隱乳小偷家族
日本名導是枝裕和新片《小偷家族》早前在康城影展勇奪最高榮譽金棕櫚獎,帶挈電影在當地強勢開畫,目前已勁收7億日圓(逾5,000萬港元),多達61萬人入戲院捧場,暫時成為今年內非動畫嘅日本片開畫冠軍。
《小偷家族》由好戲之人安藤櫻、Lily Franky、樹木希林合作,曾參演NHK台晨早劇《海女》嘅23歲女星松岡茉優,在片中同樣搶鏡,唔止難得性感演出晒驕人身材,演技更令觀眾刮目相看。
松岡茉優喺《小偷家族》中角色要在風俗店打工,佢為角色不惜一改清純形象,有一場接客嘅大膽演出,又同扮演其客人嘅男星池松壯亮在片中發展出真感情。同時,松岡茉優又為《小偷家族》穿着比堅尼上陣,獲大批網民及觀眾大讚上圍豐滿,在藝能界被封為新一代隱乳代表,有人更形容:「以前係上戶彩、現在是松岡茉優」,可見佢已成功上位。
精選娛聞,喺晒《娛果》
http://fb.com/appledailyent