人氣韓劇《雲畫的月光》、《回答吧！1988》男星朴寶劍，現時喺韓國、中港台等地都人氣急升，去年佢拍完《雲畫》之後，一直未有新作品，不過今日終於有好消息，佢更有機會回歸影壇拍電影。

今日韓國傳媒報道，朴寶劍近日收到了電影《徐福》劇本，《徐福》由《初戀築跡101》嘅導演李勇周執導，以尋找不老靈藥嘅徐福傳說改編而成，朴寶劍如落實出演就會飾演擁有治癒能力嘅徐福。

對於朴寶劍有望事隔兩年再拍電影嘅消息，佢所屬嘅事務所就話：「朴寶劍最近有收過《徐福》劇本，目前還在商討中，仲未有決定係唔係出演。」而朴寶劍對上一部電影已經到前年嘅《唐人街》，所以粉絲都好期待朴寶劍喺大銀幕有新作推出。