【本報訊】滙控前日於競價時段插至33元成交，股評人胡孟青在電視直播節目中灑淚當場，引起全城關注。有關短片被上傳至YouTube，一天瀏覽次數逾10萬次。另一條由她自拍的解畫片段，亦在一天內有過萬瀏覽量。
「淚灑交易所」短片引起廣泛討論，青姐胡孟青向本報表示︰「網上（資訊）好發達，估唔到咁多人睇，迴響咁大。可能好多有心人轉發開去，又可能大家睇到有共鳴。當時受現場氣氛影響，人人見滙控跌得咁慘，自己都忍唔住激動起嚟。真係估唔到滙控個價可以質到咁低，競價時段嘅亂局真係好離譜！」

強調沒有持股

青姐昨日接受有線電視訪問時亦表示：「（滙控）簡直好似係自己湊大嘅小朋友，送咗佢出去外國留學，學成歸來，一路畀到好好嘅生活爹哋媽咪，但係突然間全盤生意失敗，問你攞錢，你如果做佢爹哋媽咪，你應該會好傷心啩！」她續指，滙控一開始處理供股的做法不夠好，「管理層近期對於供股的做法，太過掉以輕心，同埋諗得太單純、太簡單。」
對於網友懷疑她持有大量滙控股票，胡孟青笑言︰「大家可以去灣仔Computershare（股份登記公司）花一蚊就查到，呃唔到人。」
胡孟青是英國列斯特大學經濟學士和香港城市大學財務碩士，過去曾擔任中銀集團保險投資部主管、高信集團控股副總經理、高信證券交易董事及滙豐金融服務副總裁。現時為新城財經台、有線電視節目主持，香港財經資訊顧問有限公司董事。
以金句「你玩股，股玩你」成名的青姐，因直率及敢言獲「辣妹」之名，經常直斥觀眾買股前未有做足功課。其經典金句尚有：「風大起上嚟，垃圾都吹得起」、「冇人會同情執意火中取栗嘅清兵」等。