當年今日
關於我們

【下月復工】「大叔日記」整理抗癌經歷出書 林利認老體能下降

蘋果日報 2018/03/22 14:45

林利直腸癌鐵探

51歲嘅林利喺舊年10月發現患上腸癌第二期尾,進行手術時腫瘤已超過11cm,手術後嘅復原情況理想,話咁快就撐好兄弟胡渭康嘅演唱會做嘉賓。(新聞連結: http://bit.ly/2EQl8WZ )
林利今日喺新城接受訪問,早前接受完直腸癌切除腫瘤手術,精神不俗。講到o依家嘅情況,林利話身體恢復很好,只係因為消化系統受影響,增加咗去廁所嘅次數:「兩、三個月會正常返,o依家體力都OK,我幾廿年生活好正常,其實都幾難諗到喺我身上發生,不過o依家癌症好似傷風感冒咁,好普遍。」
林利話患病可能因為情緒同生活節奏緊張所致,佢話:「我平日都係行山出海,可能年少不知,多應酬又捱夜。啱啱過半百,體能真係下降,以前我都唔信。」佢仲話自己平日其實都冇乜嘢高潮起伏嘅生活,知道自己患癌亦冇唔開心,因為身邊好多人都有發生。
0林利透露最近同邵氏簽五年經理人合約,下月將為合拍劇《鐵探》開工:「唔使開廠,所以唔擔心休息問題,我呢廿年都跑江湖,o依家想多啲時間喺香港陪媽媽。」至於佢喺facebook寫嘅「大叔日記」,將會合輯成書稍後推出:「其實係幫台灣一個出版商寫,好似專欄嘅形式,無人認大叔嘛,我咪認囉。之前都出過本《貧窮貴公子林立洋出走告白》,嚟緊會再出書,患癌嘅經歷係其中一部分啫。」

精選娛聞,喺晒《娛果》
http://fb.com/appledailyent
empty
攝影:盧妹
empty
林利喺fb寫大叔日記。(資料圖片)
empty
(fb截圖)
empty
(fb截圖)
empty
林利話手術後消化系統受影響,增加咗去廁所嘅次數。(資料圖片)