或許是有見於香港近日局面，今晨（13日）本港天氣也極不尋常，陽光下又不時下着大雨，場地有很多水氹，馬匹操練肯定受到影響。

今期晨課特別喜歡告東尼馬房的「熱血鬥士」，此駒今朝由助手快跳，有紮脷，場地有受天雨影響下，跳過完全無縮窒情況，開步有力而過程十分流暢，相當惹人好感。

尤其牠那對後腳撐落去，遠望十足像噴射器一樣，如今狀態已全面入局。

另一匹我印象較深刻的是蔡約翰馬房的「志同道合」，此駒同樣由助手出跳，今課特意安排戴鼻箍試，我相信原本牠是被安排緊隨廐侶「耀彩繽紛」身後出跳，但鑑於騎者馬鞍有少少鬆了，所以變成各有各跳鏡頭。

由於馬鞍問題，加上馬兒又有岳頭毛病，鞍上人不敢讓馬兒走得太快下，短韁一夾實，形態便更容易吸引眼球。但無可置疑是上場贏馬後，收身剪裁更靚，狀態真係弗到爆燈！

-----------------------------
【新聞有價】6月17日起 繼續撐蘋果
http://bit.ly/2IJ24ZR