無綫合約藝員、主播等近年相繼離巢，最近有報道指備受力捧的「十優港姐」麥明詩都決定放棄大台包薪制合約束縛，並有意做回律師本行。馮盈盈今日和張寶兒、麥美恩、劉穎鏇等，在將軍澳電視城出席宣傳活動，她代好姊妹麥明詩作出澄清，馮盈盈說：「以我所知，就好似唔係（律師）喇！但佢冇離開我哋，仲成日返嚟同我哋錄《後生仔傾吓偈》，我哋冇『離開』呢兩個字，只係有新成員加入。」

馮盈盈表示絕對支持麥明詩的決定，很配合其不斷自我挑戰的性格。提到先後有不少藝員離開無綫，問到馮盈盈會否也想效法好姊妹向外闖一闖？她坦承確有此想法：「都想，我都講過可以喺TVB做唔同嘅崗位，譬如我想做歌手唱歌。」

此外，張寶兒拍攝新一輯節目《學是學非》，被冠以「危險王」之稱號，她笑說：「係，掂咩壞咩，所以咩危險動作都交畀我做，其他拍檔知道我做實驗，會即刻避到好遠，驚會有危險。」問到男友袁偉豪會否嚴禁她碰自己的物品？她笑說：「係，但我有揸佢架車，到而家都冇事。」

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇