照道理，前曼聯中場史高斯同阿仙奴中場奧斯爾，應該往日無仇，近日無怨。不過唔知點解，史高斯硬係鍾意啄住奧斯爾唔放，最新史高斯又話奧斯爾離開皇馬加盟阿仙奴係全無野心嘅決定。史高斯係咁講嘅：「咁多年嚟，有鬥心嘅球員好似韋拉、亨利、法比加斯同尹佩斯，佢哋都離開咗兵工廠，佢哋走係因為阿仙奴已經唔再係爭標之列，佢哋知道要贏聯賽就要走，但奧斯爾就加盟阿仙奴。佢喺皇馬有得贏聯賽，但嚟到英超就唔係呢回事。」哦，原來講咁大段嘢都係乘機踩槍手啫，明晒！