楊采妮(Charlie)今日現身半島酒店嘅美容品牌活動，大談美容心得，佢話早排做導演，唔使化妝就可以開工，不過嚟緊要做電影宣傳同拍廣告，惟有乖乖做番護膚。

至於會否試吓醫學美容，例如botox嗰啲，Charlie就話唔會，覺得自然最安全，反而鍾意游水做運動，同每日打坐30分鐘，調整心情嚟減壓。

Charlie仲話嚟緊會接拍動作懸疑片，之後就返國內宣傳新戲。吓，內地H7N9傳染好嚴重喎，佢表示：「都會擔心，會注意飲食，平時出埠都會帶多部細嘅蒸氣機同洗手液，至於雞呢，我就不嬲都冇食。」