早就已經出線無望嘅多蒙特禮拜三晚喺歐聯H組最後一輪分組賽作客2:3輸俾皇家馬德里，埋單計數踢六場分組賽和兩場、輸四場，只係得兩分喺手。不過，千祈咪睇少呢兩分，事關多蒙特拎到嘅呢兩分，幫佢哋成為歐聯紀錄嘅保持者。係乜嘢紀錄？咪就係喺分組賽拎得兩分，都可以喺小組排第3位嘅紀錄囉！

事實多蒙特喺H組只係因為得失球差好過同組排榜尾嘅塞浦路斯球隊尼科西亞，先至有得踢歐霸盃。呢支德甲球隊嘅教練保斯賽後承認球隊喺分組賽嘅開局好差：「我哋當然希望繼續有得踢歐聯，但多蒙特真係唔值得留禊呢項比賽。依家我哋只能夠盡力去踢歐霸盃，行到幾遠就幾遠喇！」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM