【計算錯誤】
佔領行動一直被指為政治事件，佔領者一直要求政府「政治事件，政治解決」。但以特首梁振英為首的一眾政府高層卻將「重任」交予警隊處理，將警隊變成政治工具。雖然警隊「一哥」曾偉雄公開指出，警方作為執法部門，只會按法例要求執法，不涉政治考慮。

佔中中期已應執法清場

但有警隊前線人員卻另有看法，指以警隊人力資源，在佔中中期，佔領者警覺性稍為放低，警方是有能力清場，「佔領已經係違法行為，根本就唔需要等汽車業團體申請禁制令，警方都可以執法清場，好明顯呢個係梁振英政府想以民制民，藉佔中影響民生，製造社會輿論壓力，令公眾對佔中支持度流失，咁擺明將我哋（警隊）擺上枱」。
不過，這名前線人員直指梁振英打錯算盤，「佢以為咁拖，就可以消耗佔中支持度，但我就認為剛剛相反，今次佔中拖到近三個月，令政改問題發酵，令好多香港人醒覺，尤其係年輕人，佢哋過多一、兩年就可以登記選民，如果到時有普選，政府就大鑊」。
■記者謝明明