陳柏宇今日於九展為新碟《Anyone But Jason》舉行首映會，會上播放三首新歌的MV並以音樂劇貫穿。陳柏宇未有參與演出，他笑謂：「留返畀佢哋做啦，我鍾意唱歌多啲，不過咁樣幾得意，個故事都感動到我。」

陳柏宇又不自覺提到愛女新動向，透露近日囡囡學識講please，配合可愛又誠懇的表情，令他瞬間融化：「佢講咗please又好難唔應承佢，佢太細，唔可以教話『唔係樣樣嘢講咗please就得。』太複雜，等佢學完一樣到一樣。」

提到早前他為囡囡沖涼兼拍片上載，被網民鬧爆公開囡囡「全相」，更指他為了賺錢可以去到幾盡。陳柏宇聞言說：「佢話露兩點唔好，我尊重佢，但係佢阻止唔到我露佢兩點嘛。即係佢覺得咁樣，佢假設咗我個女大個會覺得核突，如果佢大個同我講『老竇，人哋細個，你都冇幫我影過沖涼嗰啲片嘅？』咁點算？」

他理解大家有自己的意見，但陳柏宇認為自己不是賣女：「我又唔係賣女，唔係要佢拍三級片，唔係影性感寫真。同埋我諗BB女又好、仔又好，唔會有人用性感嘅角度去睇㗎嘛？咁樣諗嘅人，思維有一定嘅問題喺度。」

陳柏宇不介意有人覺得事件有問題，對方亦可以用自己的方法保護子女：「但係佢冇權阻止人咁做，本來件事仲唔係犯法。歡迎大家隨便討論，有人平心同我討論，我會聽，我亦明白香港社會嘅睇法冇外國咁開放。」

陳柏宇更笑問記者：「咁如果BB女拍尿片廣告，會唔會戴bra先？唔會嘛，因為佢哋根本未有乳房呢樣嘢，我唔覺得係咩問題。」

採訪、攝影：盧妹

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇