當年今日
關於我們

【雞咁腳】曼聯大炒後即撇 凌晨起機盧卡古好眼瞓

蘋果日報 2017/09/28 17:00

英超曼聯摩連奴盧卡古莫斯科中央陸軍

曼聯喺周三歐聯分組賽,作客莫斯科中央陸軍大勝4:1,兩戰全勝出線形勢好樂觀。不過紅魔上下都冇乜時間慶祝,因為好快就要喺周六出戰英超,主場迎戰水晶宮。所以摩帥決定嗱嗱聲返英國,喺當地時間周四凌晨4點就現身莫斯科機場,眼瞓都要頂多陣上機先可以休息。
喺歐聯入兩球嘅盧卡古,照計當時應該好攰,但都有同到場球迷影相合照。領隊摩連奴亦拎定個枕頭出嚟,準備上機就瞓番覺先;摩佬喺賽前已經表達過英超賽會就賽程安排嘅不滿:「我哋喺周三踢完歐聯比賽,周六就要出戰英超,利物浦就好彩得多,佢哋周二踢歐聯,到周日先踢英超。」
empty
empty