黃耀明噚晚以嘉賓身份喺油麻地百老匯電影中心，出席「第7屆人權紀錄片電影節」開幕禮。所有到場嘉賓登場時，手上都會持有一個牌，表達願意捍衛何種自由，明哥手上手紙牌寫住「言論及表達自由奮鬥」，佢喺台上話呢個時候大家都知道言論同表達空間越來越收窄，希望為呢樣事奮鬥。

講到13套電影，明哥話：「最想睇《愛本是冇罪》，關於性少眾，呢一部係《唔畀我唱歌我同你死過》。呢個星期日會出席另一演唱會，都係講言論自由，會有周博賢同何韻詩。」明哥話《唔》片講非洲馬里，嗰度政府唔畀人唱歌，搞到鍾意唱歌嘅人要流亡，佢話：「可能有一日我哋都係咁，所以要支持去睇，香港人都係共同體，大家要面對呢個情況。」

講到黃之鋒等一班後生仔要坐監，明哥大家可以支持下佢哋，現場有人呼籲一人一信寫畀班獄中後生仔，佢話自己寫字麻麻，之前周博賢已經寫過，佢哋出嚟後力量會更強大，亦都作咗首歌《後備》寫呢班後生仔，明哥希望大定一齊為公義努力。

此外，2人組合at17稍後舉行演唱會，明哥話有去開會畀意見，會睇騷但就唔會做嘉賓，明哥話：「我哋老人家，遲啲會去美國做達明有演唱會。」