香港歌手陳美齡移居日本多年，佢與日籍丈夫金子力同埋三個囝囝組織幸福家庭，不過近年佢經常被當地網民留言鬧爆，近日更遭死亡恐嚇，日本警方已插手調查。

剛滿60歲嘅陳美齡，早於70年代已走紅港、日兩地，近年除繼續有幕前演出外，佢亦非常關心社會，身為聯合國兒童基金大使嘅佢積極推行反對兒童色情，點知前日有人喺佢嘅twitter上揚言要對陳美齡不利，寫上：「@agneschan9月21日會用刀大開殺界，如果你唔認同兒童色情刊物，我會血洗你寓所，請立即承認！」今日富士電視台午間新聞都有報道消息，指陳美齡發現留言後由經理人報警，涉谷警方已著手調查，並派警員到陳美齡寓所附近巡邏。