英超|雲高爾不滿蘇B未落鑊:佢靠關係先保到飯碗咋!
曼聯雲高爾蘇斯克查
曼聯今季嘅表現反反覆覆,好幾次都傳領隊蘇斯克查可能就快落鑊,但嚟到呢一刻,佢都仲安然無恙,作為前紅魔領隊嘅雲高爾就批評,對方到今日仍然留到喺曼聯,只不過係靠關係。
紅魔開季到𠵱家踢咗12場聯賽得23分,只係排英超第7位,今個月初仲喺歐聯H組輸畀RB萊比錫,無緣16強出局,令蘇B即刻成為落鑊領隊嘅大熱門。不過,蘇B目前仍冇事,雲高爾就眼紅,覺得係曼聯根本係特別保護佢,原因就係佢係紅魔昔日嘅門生。雲高爾上年已經話過蘇B同前往主帥摩連奴一樣,好鍾意泊大巴,只不過係曼聯特別照住佢。
「蘇斯克查係(曼聯)前球員,所以球會唔係好似對其他人咁,咁快炒佢。曼聯唔會喺球季仲踢緊嗰時就炒領隊,尤其係蘇斯克查,我已經知道晒佢嘅故仔......但佢哋(曼聯)都等到季後先至炒我,呢個情況都好可能發生喺佢身上。」雲高爾又唔滿意曼聯喺上個禮拜英超0:0悶和曼城,佢咁講:「成隊曼聯全隊就好似得十個人防守咁,踢到好似曼城嘅僕人咁,只放一個球員前場,打反擊係咪要佢9秒內完成100米衝刺?」
----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。
-----------------------------
-----------------------------
-----------------------------
-----------------------------