朱明銳：朋友機票應自費
筱靖遭拖糧劈炮唔撈
蘋果日報 2017/10/07 00:00
於07年落選的亞姐筱靖，在亞視去年熄機前離開，回復自由身的她早前與鄭啟泰為面包台網上節目《面包俠》做主持，昨日有讀者爆料指筱靖中秋節被炒，她昨短訊否認：「我又唔係佢哋合約藝人，憑乜嘢炒我？我𠵱家全部嘢都係自由。」
筱靖昨午透過公關公司向傳媒發聲明，當中強調是筱靖主動劈炮唔撈，面包台與筱靖非僱員關係，大家是合約形式，面包台承諾每集均有車馬費，可是卻有拖糧，還有早前面包台推薦筱靖出席一個長春活動發生不快，聲明中提到：「奈何有平台管理層人員懷疑從中私自收取額外費用，以致現今仍未收到有關演出費用。希望該台能正視此問題，並一個月內繳清所有欠賬！」
筱靖昨午透過公關公司向傳媒發聲明，當中強調是筱靖主動劈炮唔撈，面包台與筱靖非僱員關係，大家是合約形式，面包台承諾每集均有車馬費，可是卻有拖糧，還有早前面包台推薦筱靖出席一個長春活動發生不快，聲明中提到：「奈何有平台管理層人員懷疑從中私自收取額外費用，以致現今仍未收到有關演出費用。希望該台能正視此問題，並一個月內繳清所有欠賬！」
承認有誤會
面包台CEO朱明銳昨回覆指筱靖上周請辭：「我哋每個月都會出糧，唔會拖欠薪金。上月長春活動係有誤會，筱靖同我哋合作有協議，公司同佢接工作要抽三成佣，其他主持都係。佢叫咗朋友同行去長春，但朋友機票理應自費，公司會計同佢講，佢有少少唔開心。」朱明銳續說：「希望佢唔好嬲，人工一定會出番晒畀佢。」
採訪：張平
採訪：張平
筱靖（右二）上月與面包台CEO台長朱明銳（右一）一同到長春出席活動。