上星期喺周大福（1929）全年業績發佈會上，被主席鄭家純（純官）欽點為「總指揮」嘅集團董事總經理、人稱「基哥」嘅黃紹基，舊年年薪終於突破千萬！相反，負責marketing嘅兒子鄭志剛（Adrian）雖然都有加人工，但年薪只得400萬。

睇番資料，基哥過去曾經袋過千萬年薪，但最近兩年就要減薪，舊年公司業績重拾軌道，又有得加。按最新年報，基哥前年年薪820萬元，舊年花紅就由330萬加到去500萬元，令總年薪增至1,020萬元。

Adrian人工都由220萬加到400萬元，不過仍然被總指揮大幅拋離。不過都啱嘅，marketing同總指揮，咁梗係後者功勞大啲喇。

集團主席鄭家純（純官）本月初喺周大福全年業績發佈會強勢回歸，話自己身體越嚟越好，未有意欲退休！當日佢向在座管理層逐個點名，純官形容黃紹基係周大福嘅「總指揮」，自己就負責制定大方向、大政策。至於兒子Adrian，就只係負責孖屐亭。

不過純官只係講緊周大福啫，睇番新世界發展(017)年報，Adrian年薪3,300萬元㗎。

全球樓行 Dream House零距離
https://hk.feature.appledaily.com/overseasproperty