【腹肌弱咗啲】謝霆鋒為明年戶外騷熱身 High爆除衫贈觀眾
拉姑 謝霆鋒 霹靂903歌托邦 除衫 四哥
Your browser does not support the video tag.
謝霆鋒今日為「霹靂903歌托邦」進行戶外演出,當他準備上台前,父親謝賢(四哥)獲大會工作人員帶到台前觀眾席,現場觀眾見到四哥都歡呼及要求合照。霆鋒約6點上台,當時全場已勁high及大台唱,唱完一連串medley,霆鋒大叫:「Hello Hong Kong!我愛香港,好耐冇見。呢首歌(《壞習慣》)係十幾廿年前,我當時16歲,係96年嘅歌,而家19年,我今日見到好多熟悉面孔,好多人帶埋仔女,有啲帶埋個孫嚟,你哋對我不離不棄,多謝支持我嘅人,今日對我嚟講非常有意義。」
唱到《塑造》時,霆鋒落台走勻三面台與觀眾握手,唱到尾聲時,霆鋒更脫掉上衣拋向觀眾,露出微弱腹肌並開玩笑說:「件衫7個星期冇洗。」而今日每位入場觀眾,都可獲得一條黑色頭巾,霆鋒於台上呼籲觀眾將頭巾綁在手臂上:「條頭巾係我同大會好用心去設計,希望大家戴住呢條頭巾,可以將正能量帶畀香港。」之後霆鋒又介紹網上招募的百人大樂隊,並說:「其實呢個idea都真係幾黐線,只係戴耳機搭線,都已經黐晒線。」最後霆鋒以一曲《活着Viva》向觀眾道別,於台上90度鞠躬後結束半小時的表演。
霆鋒於後台訪問時,講到年底入紙紅館失敗,他說:「都要畀期我先得,公司有入紙不過冇畀期。」霆鋒指最終演唱會要轉到戶外場地舉行:「不過戶外好多顧忌,好似今日咁,冇落雨就好彩。本來想喺紅館,而家個期係Eason(陳奕迅)嘅,不過我冇所謂啦,我呢啲嘈喧巴閉嘅人都係首選戶外,好似呢度咁可以搞埋美食嘉年華,更加完善啦。」
今日四哥及拉姑都有到場睇霆鋒演出,霆鋒表示沒有邀請父母,不過兩人都撲到飛入場。霆鋒又笑言7個星期沒洗衫是講笑,記者即問有沒有7個星期沒見兩子?他說:「唔係呀,前日先見完。」記者再問為甚麼不帶兩子睇自己演出,他說:「佢哋唔好搖滾,偏好文靜。佢哋係好動啫,同鍾意rock係兩回事,都要佢哋鍾意。」問到最近有沒有見過前妻張栢芝?他笑一笑搖頭,然後與Mani一齊離開。
《蘋果動新聞》訂閱新世代,4月開始免費訂閱,現在接受登記! http://bit.ly/2Ja3IXw
全港打工仔特約:Lun廚動腦Q 加開1:30pm 3月11至22日 星期一至五1:30pm 10:30pm http://bit.ly/2IZA8Ef