【《延禧》攻港】蘇青抵港大陣仗 擔心觀眾憎「爾晴」

蘋果日報 2018/09/23 18:04

接機蘇青爾晴延禧攻略
    嚟喇嚟喇，《延禧攻略》嘅骨幹演員終於都嚟到喇，劇迷聽日可以同佢哋一齊過中秋喇。
    繼噚晚「富察皇后」秦嵐率先來港之後，飾演「爾晴」嘅蘇青由北京嚟香港，喺今日下午4點10分，着住牛仔工人褲同帶住黑超步出機場，無綫同噚日一樣安排約10個保安護送。
    現場有10幾個《延禧攻略》fans，蘇青一出嚟都表現親民，向傳媒鏡頭揮手。問佢係咪第一次嚟香港做嘢，佢用普通話回應：「算是第一次。香港朋友都很熱情。」問佢聽晚中秋活動會唔會唱歌，佢話：「對，明天應該有這個部份。」又話唔知聽晚會唔會好緊張。
    爾晴一角喺劇入面都好乞人憎，唔受人喜歡，蘇青話：「對，不知道香港朋友會不會恨爾晴。」香港觀眾向來都好易俾劇情影響，問佢有冇畀人鬧？佢話：「來之前也擔心過被罵，但看大家這麼熱情，應該還好。」
    講到飾演「傅恆」嘅許凱接受訪問時，話夢見爾晴攞刀斬自己全家，蘇青話：「對，拍戲比較激烈嘅時候，他也有跟我說我拿刀殺他全家。我狀態其實一樣，只是表面上不說而已，怕說出來會越來越緊張，還是放鬆一點比較好。」
    精選娛聞，喺晒《娛果》
    http://fb.com/appledailyent
    empty
    攝影：林賓尼
    empty
    「爾晴」蘇青出嚟之前，幾位保安已經standby。
    empty
    蘇青一現身，即刻被貼身保護。
    empty
    佢話算係是第一次來港工作。
    empty
    又預告聽日喺中秋晚會演唱。
    empty
    蘇青受訪時承認角色乞人憎，好彩香港人都熱情。
    empty
    佢都聽過許凱發夢見到爾晴斬全家，原來佢都有相似經歷。