當年今日

拍拖最怕變盲蟲
徐子淇新歡輕過媽咪關 掂!

蘋果日報 2002/12/27 00:00


徐子淇與洪天明分手後,早前被拍得與新男友Brian逛街。原來子淇每次都會介紹異性朋友給雙親認識,因她相信愛情是盲目的,所以最好讓家人提供意見。而子淇母親見過Brian後,對他讚不絕口。
每逢佳節倍思親,徐子淇雖然赴英國讀書,但她每逢長假期都會返港跟家人團聚,今年的聖誕也不例外。子淇和新男友Brian一起從英國回港度假,但她不肯承認對方是男友,她說:「因為我哋真係好好嘅朋友嘛,佢好乖仔同孝順,個人又精靈,我覺得佢好似Q太郎呀。」

織溫暖牌
其實子淇每次跟異性交往,都會介紹給雙親認識,她說:「我覺得愛情好盲目,家人從來冇反對我拍拖,佢哋覺得年輕人應該有正常社交,不過大家做朋友去玩,唔可以太沉迷。況且我覺得自己睇嘢未夠全面,如果我將朋友介紹畀家人認識,就可以多個大人幫吓眼。」
子淇表示雙親見過Brian後,對他讚不絕口。問子淇送甚麼聖誕禮物給Brian,她說:「我返咗香港都唔係好多日,一直都有嘢做,未有時間買禮物畀朋友,或者遲啲補番。不過我𠵱家學緊織頸巾,爹哋話佢要做第一個收頸巾嘅人。」

明年起貨
據知子淇暑假時已開始學編織,可惜常錯漏百出,她惟有不停修改,相信子淇的第一件作品,明年才可以起貨,看來Brian想得到「溫暖牌」頸巾,要耐心等待了。
採訪:比華利
攝影:陳志嵐
服裝:SistyrMoon、PacinoWan
髮型:CalvinChan(Tete)
化妝:Synni(YMCK)