呢日冇咗柏寶同潘頓，雷神更加一人獨大，佢亦冇令支持者失望，頭場「富國強駒」雖包尾，但第二場四班一千米即刻贏馬；佢騎賢廐初出新馬「添好運」九檔起步由頭帶到尾，幫自己打響新季度頭炮，亦幫埋蘇偉賢從練首勝開鑼賽，而「添好運」亦告一擊即中，2.1倍大熱WIN順利開出。
今場賽果正過正菜，事關跑第二係落飛第三熱門「蜜圈」，5.9倍大熱Q有驚無險手到拿來，三、四名分別係半冷門「快寶駒」及「鑽石巨匠」，後駒馬主之一正係天后陳慧琳父親陳崇偉。
蘇偉賢在開季前接受馬會訪問時，曾提供「添好運」是馬房今季銀行馬，可見練者眼光獨到。而蘇偉賢的太太及年幼女兒罕有入場打氣，果然帶給練者好運。
蘇偉賢說：「上季我和莫雷拉均已認定『添好運』質素上乘，我訓練牠不心急，讓牠今季更為成熟才上陣。上季我曾問過莫雷拉意思，究竟是否安排『添好運』出賽，還是留待今季呢？雷神回答『你想執一場頭馬便安排牠跑』，我三思後決定讓牠多點時間成長。此馬今仗贏來輕鬆，有分在手，希望牠保持進度，再為馬主建功。」