現年46歲嘅韓國節目《無限挑戰》男星朴明秀，於2008年跟細8歲嘅老婆韓秀敏結婚，就算已經結婚9年但依然恩愛，繼早前朴明秀喺節目大讚老婆靚女後，日前拍攝節目時又放閃。

朴明秀於前日播出嘅綜藝節目《我家的熊孩子》擔任主持人，大方談及同老婆嘅生活。朴明秀率先表示自己娶咗個好好嘅老婆，並提到以前追老婆嘅事：「太太以前喺美國住，曾經試過錄完節目，一日只瞓4個鐘後，飛到美國搵佢。」直言：「雖然已經結婚9年，但依家同以前一樣，仍然Keep住每日打電話畀對方10次，當然短訊都會Keep住send。」認真恩愛。