黃翠如和老公蕭正楠結婚2年，兩人不時在網上耍花槍，幸福滿瀉。今日，翠如在社交網拿着N年前老公的yes card，留言問網民：「在深水埗一間懷舊玩具店，發現了一個懷舊歌手的懷舊yes card，每張價值五蚊，買唔買好？」

相中的翠如BB嘴角含春，低頭望着手上老公的yes card，表情甜到漏，陳自瑤抵死留言：「呢個小鮮肉都ok嘅，不過5蚊有啲貴。」連詩雅：「 omg buy buy buy」網民紛紛起哄：「你已經用傾慕嘅眼神望住佢，仲唔買？」、「唔買嘅話，第時就無機會買。」、「嘩！好經典！買啦買啦！」

現在是大台小生的蕭正楠，於2001年參加歌唱比賽入行，有「翻版鄭伊健」之稱，跟麥浚龍（Juno）是同期歌手，當年Juno有富爸爸麥紹棠「照住」，兩人競爭激烈，蕭正楠因為形象正派，橫掃樂壇新人獎，當年他因為在慶功宴上以「邪不能勝正」暗諷Juno，有傳因而得罪Juno富爸爸，其後蕭正楠避走大陸發展，6年後回流香港成為大台藝員。

yes card是當年由倪震揸弗的《YES！》雜誌推出的偶像閃卡，幾乎70、80後的年輕人都有在扭蛋機抽《YES！》card，郭富城的雪花閃卡更在拍賣網炒至400元。當年蕭正楠做歌手時，推出過4張唱片，冠軍歌有《眼光獨到》、《接受我》，身為偶像歌手的他，那些年亦登上yes card，惟隨着雜誌停刊，yes card已變成歷史。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新