香港嘅隱形富豪多的是，喺一啲書畫拍賣會上，大家隨時會碰上好幾個。噚日佳士得嘅「中國近現代畫」拍賣會，一位本港私人買家一擲三百六十四萬幾，買咗名家張大千嘅《觀泉圖》，係拍賣會嘅第二最高成交價。張大千嘅另外兩件作品《盛唐維摩變》同《文殊赴會》，都係由本港私人買家分別以超過一百萬成交。至於全場最高成交價嘅，就由一位亞洲區私人買家，用咗接近四百萬買到張大千嘅《自畫像與黑虎》，畫面上除咗畫家本人，重有佢成日都掛住嘅西藏獒犬。
（圖）張大千呢幅《自畫像與黑虎》以三百九十八萬多元成交。
成啓聰攝


傳真︰2623-9278
電郵︰[email protected]