當年今日
關於我們

隔牆有耳:煲呔仲係好急 - 李八方

蘋果日報 2008/03/14 00:00


因腸胃不適而請假嘅特首煲呔曾,噚日病後首度現身,出席「同心同根迎奧運」授旗儀式,同幾百個制服團體代表齊齊影大合照。煲呔雖然屙咗幾日,八方現場所見,佢面色唔錯,除咗有啲白頭髮冇染到之外,完全冇病容,相信已經調理好身體。
雖然佢只係出席開幕儀式,逗留唔夠20分鐘就快閃,而且全場都冇發言,但好好笑容。記者問佢身體康復未,煲呔笑笑口話:「你話我好唔好啲?」之後哈、哈、哈大笑三聲,「好番晒啦!」雖則煲呔聲言冇事,不過佢好似有急事咁,記者問佢有關政府應付流感問題,佢急急腳就揚長而去,好似忍多一陣都唔得。