蒼井空一幅中國字畫，究竟值幾錢？係60萬人民幣(即約75萬港紙)。呢幅字畫，共8個字，平均每個字7萬5千人仔(即約9萬蚊港紙)。有人買嗎？有人買。

有內地消息指，日前喺寧波舉行嘅專場拍賣會上，大會拍賣咗呢幅蒼老師喺今年4月中、現身寧波鳳凰山主題樂園宣傳活動上，即席揮毫嘅8個大字:「好玩的鳳凰山樂園」。拍賣會開出60萬嘅天價。按今年黃金最低谷時的價格核算，相當於兩公斤黃金。

拍賣會於日前(16號)上晝舉行，據知該幅書法係受寧波某景區委託拍賣(唔知係咪就係「鳳凰山主題樂園」喇)，起標價係10萬人仔，點知競投激烈，每口價5萬人仔。經過幾輪出價，最終被神秘男子以60萬人仔投得。據知呢個神秘男子係90後嘅富二代嚟0架，唔知係咪睇蒼老師大嘅呢？

睇番啲數字……馮小剛同曾梵志合作嘅油畫，以1,700萬人仔成交；趙本山「龍騰鳳舞」墨寶，拍賣價92萬人仔；張鐵林一幅書法，拍賣價係8.5萬人仔。蒼井空作為日本前AV女優，一幅書法竟值60萬，比國內好多頂級書畫大師作品仲要貴，試問情何以堪？

多口一問…蒼老師嘅絕版AV值錢啲，定係蒼老師嘅毛筆字值錢啲？