天水圍東華三院李東海小學女教師林麗棠疑不堪工作壓力，去年3月6日在校內墮斃，引起社會關注，死因庭繼續研訊。現任副校長供稱認識死者多年，死者墮樓前病情其實已有進展，「佢已經堅強咗，識答返校長理據，有條有理」。副校長承認學校每年都收到針對校長的匿名投訴，惟校長不予理會，更謂「呢啲投拆唔會影響到我」。她對校長的溝通方式「都覺得唔係好舒服」。

副校長蔡淑萍於1996年認識死者，1999年與死者一同加入涉案學校。在死者患上抑鬱症後，蔡開始負責處理她的請假事宜。蔡今供稱，雖然死者病情反覆，但工作量未有明顯改動。

蔡補充指，自死者患病以來，校方已避免讓她處理行政工作。前任葉姓校長亦曾於2012年建議死者轉為半職工作，並協助她向東華三院作出申請，「晏晝唔使上堂，可以做自己鍾意做嘅嘢，或者返屋企休息」。死者於下一學年轉回全職，但不用再任教高年級學生。

死者墮樓前一日中午，向蔡申請早退。蔡憶述：「見到佢唔開心，有喊，我問佢使唔使家人嚟接佢，佢話唔使，想快啲返屋企。」蔡其後在接受盤問時透露，葉校長在任時，林老師的情緒表現更差，「拖住佢都震緊，唔敢望個校長……但羅校長嚟嗰陣，佢已經堅強咗，識答返校長理據，有條有理」。

代表家屬的大狀指出，當羅召見死者時，蔡有時仍會在場，問羅的語氣是否不友善。蔡僅謂：「唔係所有上司都會用溫婉嘅態度同你傾，一個正常人被人討論工作上嘅不足，感覺一定唔舒服。」大狀問蔡身為副校，為死者做過甚麼，蔡稱曾直接向校長交代同事的背景，「但唔係教佢點處理、用乜態度」。大狀最終問除此以外，蔡是否沒有以其他方式支援死者，蔡謂：「你可以咁講。」

大狀再指，小學每年都有收到針對校長的匿名投訴，校長的問卷分數亦是所有範疇中最低，蔡同意有此情況。大狀續指，羅曾在大會上表示：「呢啲投訴唔會影響到我。」蔡表示有印象。蔡在大狀追問下承認，對羅的溝通方法亦有微言，「我只能接受呢個係佢嘅性格，好老實講，我都覺得唔係好舒服。」

羅盤問蔡時指出，自己曾在中層會議反映，教職員會議需要多一些互動，蔡謂：「有用言語叫大家多畀意見，但你都會繼續講好多你嘅意見。」羅笑言：「但都有機會插嘴㗎嘛？」蔡隨即謂：「呃……插嘴呀？我哋同事好乖嘅，上司講嘢唔會亂咁插嘴嘅。」羅繼而再試圖解釋自己與同事的溝通方法，最後遭死因裁判官周慧珠打斷謂：「羅女士，呢個研訊係關於林老師嘅。」

【案件編號：CCDI206/19】

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！