韓國神劇《太陽的後裔》女星宋慧喬，去年10月與拍檔宋仲基舉行世紀婚禮，喬妹婚後近日喺韓國亮相活動，日前更到釜山出席宣揚關注乳癌嘅「粉紅絲帶」所舉辦嘅慈善跑活動。

不過原來宋仲基就做跟得老公，陪埋喬妹到釜山開工，噚日有網民捕獲到兩人喺釜山街頭漫步兼食烤肉。而兩人食完烤肉離開時，晚上再喺街頭被捕獲，只見晚上氣溫凍返，喬妹亦戴上頸巾保暖，但佢就一如以往咁甜蜜地蹺住老公行，好不恩愛。

另外，喬妹今日再喺Instagram公開其代言護膚品牌嘅新廣告，片中喬妹穿上白色連身長裙突顯優雅氣質，兼大晒白滑肌膚。

更多韓流，喺晒《娛果》
http://fb.com/appledailyent