當年今日
關於我們

周麗淇平胸累事主角變配角

蘋果日報 2006/05/27 00:00


年輕人大部份都愛打遊戲機,周麗淇(Niki)也不例外,昨日她在銅鑼灣出席XBox360新遊戲宣傳活動。嬌滴滴的Niki表示平時愛玩講求速度感的賽車遊戲和格鬥遊戲。
打機減壓
原本大會要求Niki扮演遊戲女主角的造型,但礙於今次遊戲女主角身材太出眾,故Niki拒絕扮演,她說:「大會本來叫我着女主角套衫,但扮唔到嘛,之後可以試吓,我想試吓着盔甲,着得好弗,顯得腿修長、腰好幼嗰啲就好喇。我想扮好型、好cyber嗰隻,又或者扮男主角都得。」
Niki小時候也愛和哥哥在家中打機,她說:「有時打好長時間,輪流打都好。我就最鍾意玩格鬥同賽車遊戲。打機都幾好,人人都有壓力,咪可以減吓壓囉,而且打機又唔會打傷人。」記者笑指她好勇鬥狠才愛打格鬥遊戲,Niki則說:「唔係呀!現實中做唔到嘅嘢,可以在遊戲世界發生,揸快車又唔會撞車、傷身同扣分,都幾好呀﹗」
採訪、攝影:王連連
empty
機迷周麗淇昨日應遊戲機商邀請,出席新遊戲宣傳活動。
empty
Niki稱閒時打遊戲機,有助減壓。