不過「同人唔同命」,另一個業主喺89年用約32.5萬,入咗屯門市廣場2座高層E單位,美聯葉初聲話,445方呎單位兩房間隔,有開揚景,質素算唔錯,剛啱以82萬左右成交,業主揸足18年,埋單只係賺得49.5萬,升值1.5倍,睇怕揸多20年,都冇可能暴升幾十倍咁誇張。
睇完呢兩宗成交,完全可以解釋到過去一年豪宅為乜炒到黐晒線,價錢幾唔合理都有人肯搶住買,但係啲新界上車盤幾平都冇人吼。優質豪宅同優質股一樣,揸得時間越長賺得越多,若果短炒出出入入,賺極有限,分分鐘賣咗之後,要用更高價至買得番。
[email protected]