彭浩翔執導、楊千嬅、余文樂與揚冪主演的《春嬌與志明》在港開畫兩天票房約470萬，成績十分理想，不少電影人指《桃姐》、《大追捕》和《春》片都是近期叫好叫座的影片，證明港片回春了。彭浩翔十分感謝觀眾支持，前日他又馬不停蹄與樂仔轉到北京為電影宣傳。
已經在內地20多個城市奔波宣傳數日的余文樂前日到了北京後，與彭導一起去床吧為《春》片造勢，一面倦容的樂仔，知道該片在中港兩地反應不俗，他表示：「宣傳呢部戲，去咗20幾個城市，真係好辛苦，但大家反應咁好，我真係好開心，好多人話張志明呢個角色好賤，我覺得每個男人都會有少少呢的細胞。」

從生活搵靈感

對於影片準備明年開拍第三集，樂仔說：「呢個故事好玩，因為呢個戲實在係好生活，隨住時間年齡嘅發展，我哋可以搵到好多靈感，家睇吓導演劇本寫成點啦！」
彭浩翔今年中會先替華誼開拍《會撒嬌的女人最好命》，然後明年才會動手拍《志明與春嬌》第三集，他說：「我都想拍槍戰片同動作戲，如果諗到好嘅古仔，我想改吓拍呢兩類題材，不過今年要搞撒嬌呢部戲，唔知有冇時間諗其他題材啦！」