當年今日
關於我們

【韓流】《惡獸》下月上映 崔宇植跟惠利一見鍾情

蘋果日報 2018/09/06 20:00

惡獸崔宇植惠利

由韓片《V.I.P》男星金明民、女團Girl’s Day成員惠利、韓片《屍殺列車》男星崔宇植及韓劇《回來吧大叔》男星金仁權主演嘅新片《惡獸》,係韓國首部怪獸動作史詩動作片,電影將於下月4日喺香港上映,而韓版預告片推出當日,已累積近122萬瀏覽人次及超過1萬留言。
《惡獸》由賣座韓片《海雲臺》嘅頂尖特技團隊耗資天價打造,單單將戲中嘅怪獸及演員拍攝嘅片段結合,就用咗6個月時間。另外,金明民及惠利於片中飾演父女檔,連場動作戲齊齊對付史前巨獸。而飾演侍衛嘅崔宇植,於戲中就跟惠利一見鍾情,令人期待二人嘅感情線。
《惡獸》將於13日喺韓國上映,早前於韓國舉行首次試映會,惠利終於可以於大銀幕上見到自己嘅作品,表示緊張到震:「呢個係我第一部電影作品,第一次演史劇,仲首度嘗試動作戲,因為有好多全新挑戰,令我感到好緊張,但亦令我下定決心全力以赴!」
另外,惠利早前接受訪問時表示:「因為自己係偶像出身,機會比較多嘅同時,亦更容易受大眾評論,見到惡意留言更會非常難過,有時亦會為此而喊,但呢個亦係令我進步嘅動力。」惠利希望大家見到一個全新嘅「惠利」,而唔再係《回答吧!1988》中嘅「德善」。為演好角色,惠利更放下女團光鮮亮麗嘅外表,將自己化得比崔宇植仲要黑,於片場中如流浪漢般席地而坐,難怪連同戲嘅金明民都表示完全唔認得佢。

更多韓流,喺晒《娛果》
http://fb.com/appledailyent
empty
惠利
empty
崔宇植
empty
金明民
empty
眾人合力對抗巨獸
empty
《惡獸》將於下月4日喺香港上映