國家級統戰部女部長劉延東啱啱先至講完，唔好有咁多無謂爭拗，呢頭講好說話，嗰頭即時督卒再點火頭。陳方安生喺《時代》周刊發表意見遭到老左狂攻，嗰頭行政會議成員梁振英，再挑起爭拗，質問大律師湯家驊寫嘅一篇文章，裏面講到東歐共黨倒台，佢「既羡且妒」，係乜嘢意思，係咪好想中國政府亦跟住垮台？
見到人哋好，既羡且妒，即是既羡慕，又流口水。冇錯，當羅馬尼亞暴君壽西斯古橫屍，蘇聯同東歐共黨政府喺一九九○年左右逐一垮台，人民重獲自由，可以民選自己嘅政府，當時簡直係普天同慶，香港人恨唔到，理由點解，十分之清楚，做打手，大肆掀起文字獄，梁振英嘅政治嗅覺敏銳過格力狗，插完劉慧卿，今次又斷章取義指湯家驊喺個心裏面顛覆咗中國政府，若然喺前清，梁振英一封密函呈報乾隆皇帝，不但湯家驊就即時會遭到公差鎖拿斬頭，連相關人事都周身蟻。