甄子丹和太太汪詩詩一家、呂良偉和楊小娟、周汶錡等，前晚在灣仔出席演藝學院年度籌款晚會。

甄子丹心情極好，更問記者可覺他變年輕，「可能去完旅行叉足電，我去咗幾日馬爾代夫玩，不過我係工作狂，唔可以放低啲工作咁耐，仔女要返學，無同行，聖誕先睇下太太有咩安排。」他早前在社交平台登了一張坐在浴缸內，疑似全裸照片，「你哋幻想力太豐富，黐線啦，我有著住條運動褲。」可會考慮影正面？「如果係咁，變咗四級架囉喎。」他笑言私下都冇影過，可能只有太太有興趣睇，至於拍片「三級就唔會，最多著三角褲，再多啲就要打格仔。」甄子丹女兒Jasmine更即場表演。

邱德根孫女邱詠筠月前生完BB，「未修身，希望可以努力啲，做吓運動咁。昨日(前日）已經搞咗百日宴，BB女都好乖，爹地已經有8個孫囉。」至於何時補辨婚禮，「未搞住，未揀定日子。」她又大讚活動成功，幾年來籌了八千萬，幫助了1200個學生。

攝影：王連連
攝影：陳俊強

精選娛聞，喺晒《娛果》
http://fb.com/appledailyent