當年今日
關於我們

  廣管局鬧有線種族歧視 - 李八方

蘋果日報 2002/08/09 00:00


廣管局五月份發表咗一份廣播服務意見調查,報告主要係講關於公眾對幾間電視台同電台服務質素嘅意見,亦有提及各台嘅收視及收聽率。法定組織一向唔多喜歡被人利用做宣傳工具,點不知商業電台噚日冇有識死,居然喺多份報紙上賣全版廣告,吹噓自己收聽排名第一,重大大隻字話係廣管局調查嘅結果。
廣管局主席梁乃鵬好唔高興,認為商台咁樣做雖則唔係犯法,但係用官方資料做商業推廣唔妥當。廣管局好公平,鬧完商台又鬧新城,因為新城娛樂台喺五月二十九日上午《點正娛樂》節目中,搵華航空難嚟講笑,係冇顧及他人感受而且品味低劣嘅做法。有線都「難逃厄運」,衰種族歧視;皆因有線班講波佬喺丹麥對塞內加爾場波開波之前,多次提到非洲球員嘅膚色,廣管局認為有侮辱成份,遂向有線發信「勸喻」。
(圖)梁乃鵬(中)批評商台宣傳手法。


傳真︰2623-9278
電郵︰[email protected]