首個港人首置盤煥然懿居以「智能家居」作賣點，每個單位均設有電子顯示屏，配備12種功能，除了可預約會所設施、閱覽屋苑通告等，業主可透過顯示屏看到自己單位的用水、用電及煤氣用量，甚至監測單位內的空氣質素及溫度。不過，煥然懿居每呎管理費高達4.3元，業主阿Roy直言，每月管理費已近1,600元，連同供樓即每月要支付近2萬元，「貴呀（管理費），多咗智能工具好似方便啲，但其實都係自己畀錢。」

阿Roy結婚後，一直與太太租住新界區的私人屋苑，去年成功抽中煥然懿居，並以約498萬元購入高層一房單位，月供約1.8萬元，「心情有啲興奮，但又複雜⋯⋯有自己屋企梗係開心，但點都會有 （供樓） 壓力」。單位坐擁無敵煙花景，他大讚「個view唔錯」。

實時顯示升降機狀態慳時間等電梯

屋苑以「智能家居」作賣點，每個單位均設有電子顯示屏，配備12種功能，阿Roy親身測試多項功能，其中他可透過視像對講機清楚看到大堂訪客的樣貌，「只有我睇到佢，佢睇我唔到」；亦可透過顯示屏預約會所設施、閱覽屋苑通告、單位用水、用電及煤氣用量，更可顯示單位內的空氣質素、溫度及濕度，並可看到大廈升降機的狀態，「我自己幾鍾意（功能）係升降機狀態，可以見到部lift去到邊層，差唔多時間先出門口，唔使企喺走廊等。」

大廈每層的垃圾房設有回收箱，業主可以透過顯示屏，實時知道自己所屬樓層的垃圾收集紀錄，「可以睇到垃圾房爆唔爆，唔使攞到（垃圾）出去先知爆咗，到時又要攞返入屋。」

記者 譚靜雯

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多