DenimSkirt不同牛仔褲，下下講洗水講玩Vintage，無論是Patchwork、鑲石定繡花百褶，女生潮物總有新玩法。但長度一定要短，裙邊與膝頭的距離至少6吋或以上；少女SexyBrandMissSixty擺到明行性感，貼身Cutting、粗腰帶、百褶，款式變化多，還有主打性感同Colorful的日本品牌COCOLULU等；嫌單調，大可選擇印花款式。

牛仔裙一向只與「Casual」、「Sporty」等形容詞扯上關係，然而，當加入百褶裙的元素後，同樣是牛仔裙加Tee的配搭，卻多添幾分少女的嬌柔，襯埋今季大熱的涼鞋，絕對是PerfectMatch！

今季的另一趨勢是有大大個Pattern的裝飾，首推具中國色彩的繡花圖案，其次是鑲上仿寶石或仿鑽石，夠晒Sharp；釘上不同款式的車花布章，Punk味十足，十六、七歲少女們肯定受落。

近排翻開娛樂版，發現一眾青春派女歌手都愛穿牛仔裙，而長度更有番咁上下短，Twins早前亦齊齊着短牛仔裙出席活動，Casual中亦不失少女味，何況牛仔裙夠百搭，女生們又可以Carry到，要跟話咁易！

（a）COCOLULU（28826293）
銅鑼灣金百利商場838號舖
（b）MissSixty（28920905）
銅鑼灣羅素街38號地下
（c）Bauhaus（28823551）
銅鑼灣金百利商場地下2-3號舖
（d）DaDaI（28901708）
銅鑼灣名店廊1樓F13A舖
（e）Fucky（23126393）
尖沙嘴利時商場441號舖