「我覺得香港真正嘅惡女少，被誤解成惡女嘅就好多。」公主病診斷權威王貽興這樣為港女平反，他認為不少香港女生刁蠻任性，無理取鬧，其實只是自我中心與被嬌縱的後果，罪名不至被封為「惡女」，最多只能叫「港女」！相比起惡女，他認為更多是潑婦，「佢哋霸道、自以為是真理，會操控同埋迫使他人遵從自己嗰一套。」打開報紙，港聞版不時會發現潑婦鬧劇。至於一般被視為惡女的，大多只是形式上的惡。「例如林慧思老師，佢好聲好氣同人講，周圍嘅人冇理佢，先迫使佢情急之下講咗句『粗口』，就俾人標籤，但我唔認為佢係惡女。」大家總覺得香港女生較台灣、中國大陸、日本的惡，貽興則覺這只是包裝問題。「台灣女仔溫柔體貼，我覺得係市場需要，係一種等待被追求嘅手段，佢哋嗲聲嗲氣背後可能係有好功利嘅目的，人前聽話，實質可能心腸更惡。」

他認為香港女生比較敢於流露真性情，她們不需要依靠男人，便拒絕向他們獻媚，「佢哋嘅惡有時甚至係一種自我保護。有啲女仔會對男朋友以外嘅男人特別惡，用惡去拒絕其他男人，目的可能係保護同男朋友嘅關係。呢一種惡，其實我欣賞。」言下之意，惡女娶得過？「如果女仔對男仔嚴厲，對佢惡，只係為咗大家更好嘅手段，應該慶幸有咁好嘅女仔肯講真話，唔會呃你𠱁你，應該珍惜呢種女仔。」然而，在這個食麥記都可以成為判斷女友娶唔娶得過的扭曲現實中，男人經常誤解女人，貽興補充：「部份男人，還是喜歡嬌柔小公主嗲聲嗲氣叫你食屎，也不願遵從惡女粗聲粗氣叫你飲湯。這是無奈的事實。」

港產片中，歷來都有不少惡女形象，說明惡女文化由來已久。

足本收睇《亂噏24》x鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24