任何機構或公眾人物，跟足程序做事，沒有犯規，可避免受責。而過往被認為多此一舉的事，現今唔行多步，到最終唔想行都要行；洋相已出，沒甚麼不妥，只會被公眾覺得「離地」罷了！完全沒有所謂的公關考量。近期新聞主角潘頓，或許自我感覺良好，然而在公眾心中形象，短期內也難以改變。

雷神莫雷拉受歡迎，除騎馬叻、贏馬多外，身處人群，總是有禮，夠笑容，夠「貼地」。絕少聽到對其負評，已是他另一成功之處。人家要你（潘頓）快些，你用粗言鬧人，使唔使呀！

今期有兩場三級賽均屬盃賽，第七場1400米的「澳斯卡」與「勝得威」兩匹牌面馬，分配莫雷拉及潘頓，二人都有機會捧盃，照牌面論銳氣或負磅，都以「勝得威」佔優。潘頓除「勝得威」外，其他場次座騎數目唔多，第八場「紅海威」、九場「一哥」及尾場「中華之光」，都比頭場「勁伶利」好。

其宿敵莫雷拉，今次座騎質量遠勝周三夜馬，頭場接手鄭俊偉的「幸運坊」，令人有期望，鄭俊偉差兩Win畢業，此駒有機會成為他求畢業寶貴的頭馬。