羅力威今日喺商台宣傳暑假推出新專輯嘅新歌《夏之咩》，佢話內容係將自己宅男睇睇埋埋嘅0氹女朋友方法，寫晒落首歌裡面。

問佢係咪一個風趣同成日搞爛gag嘅男友？佢就話：「我會講唔同語言嘅我愛你，又會慳錢諗橋送禮物。」佢仲話曾經聽過朋友同佢講「沙冷Hea」(韓語係指「我愛你」)，奇怪之餘，先知道對方叫自己閂冷氣，真係爛之餘又多情喇。

羅力威係亞視出身，問番佢可有留意舊公司財缺問題，佢就表示：「都冇乜嘢可以俾人留意啦，依家對員工絕對係困難嘅，對娛樂圈事業風氣都唔好。佢哋都係好叻嘅人，有好機構的話，佢哋一定做得好好。」

今日亞視將舉行員工大會，希望真係有好消息同盡快出糧啦。