由7月1日開始季內最後五個賽日，突然來個新騎師客串，巴西冠軍波健士到時將會登場。

睇份履歷絕對係超新星，他於2009年以見習騎師身份出道，第三季即榮膺冠軍騎師，並以破紀錄244場頭馬摘冠，其後再三奪該項殊榮，至今勝出超過1,600場頭馬，當中包括十項一級賽，最重要係造到113磅最輕磅上陣，大把世界矣！

從以上賽績睇，比起同鄉的香港冠軍莫雷拉、英國冠軍蘇兆輝、澳門冠軍馬雅來得更勁！

年紀輕輕只有26歲，天才橫溢，加上近年巴西所出產的騎師，威力有目共睹。季尾來港雖短短跑五個賽日，只要表現出功架，相信在未來日子，波健士的名字會令大家留下深刻印象。

其實有不少巴西騎師出外闖蕩，原因好簡單，巴西始終係一個貧富懸殊國家，治安比較差，稍為有能力者都會出外搵食，就如南非騎師一樣，相信無人會願意留在一個治安不穩定的地方。

全世界馬圈都知，撇除日本之外，香港已經係騎師、練馬師的天堂。個人頗為期待波健士呢位巴西冠軍騎師進駐香港，只希望他在季內最後五天賽事表現出色，甚至長線向潘頓或雷神挑戰一下。

-----------------------------
你撐蘋果 我捐$1
支援反送中抗爭者