統計結果顯示，外檔馬的表現明顯與票數強弱掛勾，遠的不說，剛周日（24日）尾場，排13及14檔的「競技勇士」及「美麗精神」埋門熱透，後駒閘前更多瓣連贏賭到着格，結果兩隻馬一早便攝到前列二疊好位跑入三甲。

另外，第五場潘頓騎14檔的「健快聯盟」，上次谷草1200米追一段但唔上名，今次初跑田草還要增程再加大外檔，但埋門仍捧到第三熱，結果甫出閘潘頓便全力替此駒搵到遮擋，拉士掟出外疊便逢馬過馬，中正的朋友可能覺得W派63蚊嫌奀，但掉轉頭如果無飛的話，潘頓有可能好似上星期三騎「話得事」般，採取佛系騎法全程外遊。

列陣明晚（27日）第四場四班1000米的「衝亞」，上仗配黃俊在今戰谷草1000米輕取對手，兼本身交出前快後快段速，表現指數達三班同程上名水準，再結合羅富全的質新馬大多持續箭咀向上，此駒連捷呼聲高唱入雲。

至於另一匹新勝馬第五場三班2200米「合拍威龍」，上次谷草1800米遇極快步速跟前蝕了形勢仍然夠贏，定要有更佳氣量才能做到，加上該役奪亞的「勇敢傳說」翌仗補中，進一步反映「合拍威龍」超班實力，增程可再下一城。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV